Val av tekst og søking etter eit bildeuttrykk

Etter mykje god lesing av Løland sine tekstar har valet på bildebokapplikasjontekst i dette prosjektet falt på ”Hunden og katten”. Teksten er henta frå Samlagets utgivning ”Gutar”, ei tekstsamling med forteljingar både frå Det store nashornet (1900) og Kvitebjørnen (1906). 

Forteljinga om hunden og katten handlar om sjalusi, vennskap. Det er også ei skildring av tida  Løland levde i, samtidig som ein kan relatere innhaldet og mykje av som skjer i forteljinga til notida. Det er eit svært nyansert bilde av barnelge kjensler og opplevingar. Teksten er ikkje alt for lang og den går føre seg på ein gard på vestlandet i den tida på året då vårsola byrjar å varme fjellsider og uteleikande barnekroppar.